Баррасии масоили асосноккунии техникию иқтисодии НБО

Душанбе, 18 январ. (АМИТ Ховар, Мавзуна Бойева).- Имрӯз дар Вазорати энергетика ва саноати мамлакат вохӯрии вазири энергетика ва саноати ҶТ Гул Шералӣ бо роҳбари ширкати «Ходайз Тоҷикистон» Шрихари Ходай баргузор гардид. Зимни мулоқот масъалаҳои ҳамкориҳои дуҷониба оид ба итмоми омўзиши пешакии асосноккунии техникию иқтисодии НБО-ҳои Нуробод-1, Нуробод-2 дар дарёи Обихингов, НБО «Фондарё» дар дарёи Фондарё ва тавсеаи муносибатҳои мутақобилан судманд дар бахши энергетика ва ташкили корхонаҳои заргарӣ дар ҳудуди ҷумҳурӣ мавриди баррасӣ қарор дода шуданд. Ҷонибҳо аз натиҷаҳои вохўрӣ изҳори қаноатмандӣ намуда, ҳамчунин иброз доштанд, ки густариши ҳамкориҳо дар ин бахш ба манфиатҳои мутақобилан судманди ҷонибҳо хоҳад буд.