Густариши ҳамкориҳои ҲХДТ бо «Единая Россия»
Душанбе, 04 апрел. (АМИТ «Ховар», Дилшодаи Хайруллоҳ).- 3 апрели соли 2013 муовини якуми раиси Ҳизби Халқии Демократии Тоҷикистон Сафар Сафаров муовини роҳбари кумитаи иҷроияи минтақавии вилояти Свердловски Ҳизби умумироссиягии сиёсии «Единая Россия» («Русияи ягона») Русаков Андрей Геннадиевичро бо ҳайати ҳамроҳонаш Попов Дмитрий Сергеевич, корманди шуъбаи уралии Маркази русиягии тадқиқоти стратегӣ ва Колотилинский Сергей Викторович — мушовири сиёсии Сафорати Федератсияи Русия дар Ҷумҳурии Тоҷикистон ба ҳузур пазируфт. Сафар Сафаров дар хусуси таърихи таъсиси Ҳизби Халқии Демократии Тоҷикистон, сохтори дохилӣ, шакли фаъолияти ҳизб ва дигар масоили марбути ҳизб мушаххасан маълумот дода, ҳамкории дуҷонибаи байниҳизбиро муҳим арзёбӣ намуд. Дар мулоқот ҷиҳати ба роҳ мондани ҳамкориҳои байниҳизбӣ ҳавасмандии ҷониби Ҳизби Халқии Демократии Тоҷикистонро иброз намуда изҳор дошт, ки Федератсияи Русия аз рӯзҳои аввали ба даст овардани соҳибихтиёрии Ҷумҳурии Тоҷикистон ҳамчун шарики боэътимоди стратегӣ баромад намуд ва густариши минбаъдаи ҳамкориҳоро чӣ дар сатҳи давлатӣ ва чӣ дар сатҳи байниҳизбӣ зарур шуморид.Ҷонибҳо ҳамчунин перомуни ба роҳ мондани ҳамкориҳои судманди байниҳизбӣ, табодули таҷрибаи пешқадам ва дигар масоили байниҳизбӣ ибрози ақида намуданд.Ҳайати меҳмонон аз натиҷаи мулоқот бо муовини якуми раиси Ҳизби Халқии Демократии Тоҷикистон Сафар Сафаров изҳори қаноатмандӣ намуданд.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
