Мулоқоти Сафири Тоҷикистон бо раиси Маҷлиси шӯрои Арабистони Саудӣ

Душанбе, 29 апрел. (АМИТ «Ховар»).-28 апрели соли 2013 вохӯрии Сафири Фавқулодда ва Мухтори Ҷумҳурии Тоҷикистон дар Мамлакати Арабистони Саудӣ Абдулло Юлдошев бо раиси Маҷлиси шӯрои мамлакат Абдулло ибни Муҳаммад ибни Иброҳим Оли Шайх дар бинои Маҷлиси Шӯро сурат гирифт. Ҳангоми суҳбат чанде аз масъалаҳои вобаста ба густариши робитаҳои байнипарламонӣ, аз ҷумла, таъсиси гуруҳи дӯстии байнипарлумонӣ, мубодилаи ҳайатҳои вакилон ва анҷом додани сафарҳои расмӣ ва корӣ аз ҷониби Раисони парламентҳои ҳар ду кишвар мавриди табодули назар қарор гирифт.