Намояндагони ҲХДТ бо сокинони Панҷ мулоқот карданд
Душанбе, 18 апрел. (АМИТ «Ховар», Баҳманёр Муродов).-Дар ноҳияи Панҷ дар раванди омодагӣ ба маъракаҳои муҳими сиёсии имсола бо қарори Маҷлиси Кумитаи Иҷроияи Марказии Ҳизби халқӣ — демократии Тоҷикистон рӯзҳои ҲХДТ дар маҳаллаву ҷамоатҳои ин ноҳия гузаронида мешавад. Бино ба иттилои сомонаи расмии ин ҳизб дар ин доира рӯзи 16 апрели соли ҷорӣ дар ҷамоати деҳоти Нури ваҳдат рӯзи ҲХДТ бо иштироки васеи сокинони деҳот, собиқадорони ҷангу меҳнат, фаъолони ҳизб ва зиёиён хотирмону судманд гузашт. Дар оғози чорабинӣ раиси Кумитаи иҷроияи ҲХДТ дар ноҳия Ёғибек Носиров оид ба мавқеи ҲХДТ дар ҷомеа, хизматҳои Президенти кишвар, Раиси ҲХДТ муҳтарам Эмомалӣ Раҳмон дар роҳи ба даст овардани комёбиҳои даврони истиқлолият андешаҳои худро баён намуд. Ҳамчунин гуфта шудааст, ки дар ҳамаи деҳаҳо вохӯриву суҳбатҳо ва чорабиниҳои фарҳангиву варзишӣ бо ташаббуси аъзои Ҷамъияти таблиғотии «Фарҳанги сиёсӣ» ва намояндагии Ташкилоти ҷамъиятии ҷавонон «Созандагони Ватан» баргузор мегарданд. Сомонаи ҲХДТ афзудааст, ки аз ҷониби ташкилоти ибтидоии ҳизб бо дастгирии соҳибкорони саховатманди деҳот ва ноҳия ба 35 нафар аз оилаҳои камбизоат, собиқадорони ҷанги меҳнат, омӯзгорону толибилмони фаъоли мактабҳои деҳот, кишоварзону соҳибкорон ва варзишгарони беҳтарини ин ҷамоат туҳфаҳо тақдим шуд ва интизор меравад, ки дар ҷамоати деҳоти Нури ваҳдат бинои дорухона аз ҷониби соҳибкор, аъзои ҲХДТ Миралӣ Назаров ва бинои дуошёнаи сехи дӯзандагӣ дар қишлоқи Пашор аз тарафи соҳибкор ва ҷонибдори ҲХДТ Абдулло Луқмонов ба истифода дода шаванд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






