Натиҷаҳои рушди иҷтимоию иқтисодии Тоҷикистон дар семоҳаи аввал

Апрель 19, 2013 09:36

Душанбе, 19 апрел. (АМИТ «Ховар», Покиза Маҳмадбекова). — Дар Вазорати рушди иқтисод ва савдо ҷаласаи хайати мушовараи вазорат баргузор гардид. Дар ҷаласа роҳбарияти вазорат, сардорони сарраёсату раёсатҳо ва роҳбарони муассисаҳои тобеи он иштирок намуданд. Ҷаласаро муовини аввали вазири рушди иқтисод ва савдо Неъматҷон Бӯриев кушод. Сипас оид ба фаъолияти вазорат ва ҷамъбасти натиҷаҳои рушди иҷтимоию иқтисодии Ҷумҳурии Тоҷикистон дар семоҳаи якуми соли равон ва вазифаҳо то охири соли 2013 сардори Сарраёсати таҳлили макроиқтисодӣ, дурнамо ва ислоҳоти иқтисодӣ Файзиддин Қаҳҳоров маърӯза намуд. Дар чорабинӣ масъалаҳои вобаста ба таҳлили амиқи нишондиҳандаҳои асосии макроиқтисодӣ, вазъи корхонаҳои саноатӣ ва таъмини аҳолӣ бо ҷойҳои кор, рушди содирот ва вазъи воридот, татбиқи барномаю стратегияҳо, ҳамчунин масъалаҳои ҷорӣ баррасӣ шуданд.

Апрель 19, 2013 09:36

Хабарҳои дигари ин бахш