Роҳҳои зиёд намудани иқтидорҳои корхонаҳои коркарди нахи пахта
Душанбе, 27 апрел. (АМИТ «Ховар», Дилшодаи Хайруллоҳ).- Имрӯз дар Вазорати энергетика ва саноати Ҷумҳурии Тоҷикистон бо мақсади амалӣ намудани нақшаи чорабиниҳо доир ба «Барномаи коркарди пурраи нахи пахтаи дар Ҷумҳурии Тоҷикистон истеҳсолшаванда барои давраи то соли 2015» бо иштироки масъулини вазорату идораҳои дахлдор, корхонаҳои соҳа ва муассисаҳои таҳсилоти олии касбӣ дар мавзӯи «Роҳҳо ва воситаҳои зиёд намудани истифодаи иқтидорҳои корхонаҳои коркарди нахи пахта» мизи мудаввар баргузор гардид.Дар мизи мудаввар масъалаҳо доир ба андешидани чораҳои мушаххас ҷиҳати ҳарчӣ бештар дастрас будани ашёи хом-нахи пахта ба корхонаҳои ресандагӣ ва дар ин асос афзун намудани иқтидорҳои истеҳсолии мавҷуда, ҳамчунин зиёд намудани иқтидорҳои содиротии маҳсулоти тайёри пахтагин ба хориҷи кишвар баррасӣ гардиданд.Роҳбарон ва намояндагони корхонаҳои истеҳсолӣ оид ба масъалаҳои дар соҳа мавҷударо қайд намуда, иброз доштанд, ки пайгирӣ ва ҳалли саривақтии онҳо ҷиҳати беҳтар шудани нишондодҳои истеҳсолӣ ва дар ниҳояти кор барои амалисозии барномаи фавқуззикр мусоидат хоҳад кард. Намояндагони вазорату идораҳо дар навбати худ ба суолҳои матрақгардида посух дода, мавриди омӯзиш қарор додани пешниҳодҳои аз ҷониби корхонаҳо, ироашударо қайд намуданд.Дар ин бора ба мухбири АМИТ «Ховар» аз котиботи вазорати энергетика ва саноати Ҷумҳурии Тоҷикистон иттилоъ доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






