Устод Айнӣ шуҳрати ҷаҳонӣ дорад

Душанбе, 18 апрел. (АМИТ «Ховар», Раъно Нусратуллоева).-Бо ибтикори кафедраи адабиёти рус ва ҷаҳони факултети забон ва адабиёти руси Донишгоҳи давлатии омӯзгории Тоҷикистон ба номи Садриддин Айнӣ 25-уми апрели соли 2013 конфронси донишгоҳӣ дар мавзўи «Шуҳрати ҷаҳонии Садриддин Айнӣ» доир мегардад. Тибқи барнома дар конфронс маърӯзаҳои сершумор, аз ҷумла, дар мавзуоти «Садриддин Айнӣ ва адабиёти ҷаҳон», «Айнӣ ва адабиёти рус», «Садриддин Айнӣ дар нақди адабии рус», «Садриддин Айнӣ-педагоги барҷаста», «Мероси Садриддин Айнӣ дар китобҳои мактабӣ» шунида хоҳанд шуд. Маърӯзаҳо аз ҷониби докторони илм, профессорон ва донишҷӯён таълиф гардидаанд.Бинобар гуфтаи созмондиҳандагони конференсия, дар ҷамъомади мазкур ҳамчунин паҳлуҳои мухталифи ҳаёт ва эҷодиёти сардафтари адабиёти муосири тоҷик устод С.Айнӣ мавриди баррасию омӯзиш қарор дода мешаванд.