22 парчам дар 22 қуллаи ВМКБ дар доираи аксияи “Насли созанда”
Душанбе, 2 май. (АМИТ «Ховар», Дилшодаи Хайруллоҳ).- Марҳилаи навбатии Аксияи «Насли созанда», ки муддати як моҳ аст дар тамоми манотиқи кишвар бо ибтикори Дастгоҳи Кумитаи Иҷроияи Марказии Ҳизби Халқии Демократии Тоҷикистон ва Ташкилоти ҷамъиятии ҷавонон «Созандагони Ватан» роҳандозӣ гардида истодааст, аз 4 то 12 майи соли ҷорӣ дар Вилояти Мухтори Кӯҳистони Бадахшон баргузор мегардад.Дар доираи чорабиниҳои аксияи «Насли созанда» баргузории чорабиниҳои мухталиф дар тамоми навоҳии Вилояти Мухтори Кӯҳистони Бадахшон аз ҷумла, муаррифии Хона – музеи Ҳунарманди мардумиии собиқ Иттиҳоди Шӯравӣ Ғуломҳайдар Ғуломалиев дар ноҳияи Рӯшон, маҳфилҳои адабии шоири халқии Тоҷикистон Мирсаид Миршакар дар ноҳияи Шуғнон, Мӯъмин Каноат дар ноҳияи Дарвоз, Пайшанбе Шоҳзода дар ноҳияи Ванҷ, мизи муддавар дар мавзӯи «Обҳои шифобахши Тоҷикистон» дар ноҳияи Ишкошим бо иштироки олимони Академияи илмҳои Ҷумҳурии Тоҷикистон, барафрохтани 22 парчами Ҷумҳурии Тоҷикистон дар 22 қулла бахшида ба 22 солагии Истиқлолияти давлатии Ҷумҳурии Тоҷикистон, намошгоҳҳои ҳунарҳои бадеӣ ва ихтирооти ҷавонон, корҳои ободонӣ, чорабиниҳои калони оммавӣ-фарҳангӣ ва Фестивали мусиқии таҳти унвони «Даргилик» дар шаҳри Хоруғ баргузор мегарданд. Дар доираи аксия инчунин аёдати иштирокчиёни Ҷанги Бузурги Ватанӣ, мулоқот бо ҷавонон ва фаъолони ҳизб оид ба муҳокимаи нуктаҳои асосии Паёми Президенти Ҷумҳурии Тоҷикистон ба Маҷлиси Олӣ баррасӣ мегардад. Дар ин бора Адҳам Мирсаидов роҳбари Маркази таблиғот ва таҳлилии Дастгоҳи КИМ ҲХДТ иттилоъ дод.Бояд тазаккур дод, ки то имрӯз аксияи мазкур дар вилоятҳои Хатлон, Суғд ва шаҳри Душанбе доир гардида буданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






