Абдуфаттоҳ Шарифзода: «Аз бозгашти Бозор Собир набояд ҳангомаҷӯӣ кунем»
Душанбе, 30 май. (АМИТ «Ховар», Афшини Муқим).- Абдуфаттоҳ Шарифзода, Котиби матбуоти Президенти Ҷумҳурии Тоҷикистон дар суҳбат бо хабарнигорон бозгашти Бозор Собирро ба Тоҷикистон идомаи иқдомоти Президент дар самти баргардонидани муҳоҷирон хонд, ки ҳанӯз аз рӯзҳои аввали ба ҳайси Раиси Шӯрои Олии кишвар интихоб гардидани Эмомалӣ Раҳмон оғоз шуда буд. Абдуфаттоҳ Шарифзода аз шарҳи сиёсӣ гирифтани бозгашти Бозор Собир ба Ватан аз ҷониби баъзе расонаҳо изҳори нигаронӣ карда, гуфт: «Ман худам шоҳид ҳастам, ки зарфи қариб 10 соли охир Сарвари давлат кӯшиш карданд, ки Бозор Собир ба Ватан баргардад. Аснои сафар ба СММ низ аз ҷониби Сарвари давлат супориш шуда буд, ки Бозор Собирро пайдо намоянд, то бо ӯ дар мавзӯи бозгашташ ба Ватан аз наздик мулоқот намоянд». А. Шарифзода илова намуд, ки: «Аз бозгашти Бозор Собир бояд хурсандӣ кунем, на ин ки онро ба ҷабҳаҳои сиёсӣ бипайвандем». «Асосаш ҳамин, ки Президент ғамхори ҳар як тоҷику тоҷикистонӣ ҳастанд ва далели ин бо даъвати Сарвари давлат ба Ватан баргаштани боз як тоҷик аст, ки барояш тамоми шароити маишиву эҷодӣ таъмин гардид»- иброз дошт Абдуфаттоҳ Шарифзода.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
