Боз як синфхона бо технологияҳои муосир
Душанбе, 30 май. (АМИТ «Ховар», Раъно Нусратуллоева).-Имрӯз дар факултаи математикаи Донишгоҳи давлатии омӯзгории Тоҷикистон ба номи Садриддин Айнӣ дар ҳамдастӣ бо ширкати ТАЛКО як синфхонаи васеъ бо технологияҳои навтарин ҷиҳозонида шуд.Бино ба иттилои Бахтиёри Абдураҳим-котиби матбуотии донишгоҳ зимни ифтитоҳи аудиторияи мазкур, ки бо иштироки намояндагони муассисаи ТАЛКО баргузор гардид, ректори донишгоҳ Абдуҷаббор Раҳмонов зикр кард, ки барои тақвият бахшидани базаи техникии таълимгоҳ боз як синфхона бо 30 адад компютери насли чорум, як адад тахтаи электронӣ ва як адад проектор ҷиҳозонида шуд. Маблағи умумии ашёи техникӣ, ки 120 ҳазор сомониро ташкил медиҳад, аз ҷониби ширкати ТАЛКО пардохт гардид.А.Раҳмонов, ҳамчунин, бо ишора ба нигоштаҳои баъзе нотавонбинон дар шабакаи ҷаҳонии интернет, ки вазъи техникии донишгоҳро ғайримақбул қаламдод менамоянд, таъкид намуд, ки айни замон дар кулли синфхонаҳои компютерӣ, факултаҳо, кафедраҳо, китобхонаи электронӣ ва шуъбаю марказҳои таълимгоҳ дастрасӣ ба интернет имконпазир мебошад. Ҳолати техникии донишгоҳ дар муқоиса ба 2 соли охир чандин маротиба пурқувват гардидааст. Дар ҷамъомад, ҳамзамон, гуфта шуд, ки тақвиятбахшии базаи техникии донишгоҳ ҷиҳати амалинамоии нуктаҳои Президенти ҷумҳурӣ дар Паём ва мулоқот бо ҷавонон идома хоҳад ёфт.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






