Иштироки Ҳ. Зарифӣ дар ҷаласаи Шӯрои вазирони корҳои хориҷии СААД
Душанбе, 27 май (АМИТ «Ховар»).-27 майи соли 2013 вазири корҳои хориҷии Ҷумҳурии Тоҷикистон Ҳамрохон Зарифӣ дар ҷаласаи Шӯрои вазирони корҳои хориҷии давлаҳои аъзои Созмони Аҳдномаи амнияти дастаҷамъӣ (СААД) ва ҷаласаи якҷояи Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯрои амнияти давлатҳои аъзои созмон иштирок намуд. Иштирокчиёни ҷаласа масоили такмили механизмҳои ҳамоҳангсозии сиёсати хориҷӣ, инчунин ҳолат ва сохтори низоми амнияти дастаҷамъии СААД дар партави таҳдиду хатарҳои мавҷуда ба амнияти давлатҳои аъзои Созмон ва роҳҳои таҳкими онро мавриди муҳокима қарор доданд. Зимни ҷаласа Баёнияи вазирони корҳои хориҷии давлатҳои аъзои СААД оид ба масоили мубрами байналмилалӣ қабул шуд. Инчунин ҳуҷҷатҳои зерин муҳокима шуданд: “Нақшаи машваратҳои намояндагони давлатҳои аъзои СААД оид ба масъалаҳои сиёсати хориҷӣ, амният ва мудофиа барои ними дуюми соли 2013 ва нимаи якуми соли 2014”, “Оид ба тасдиқи Рӯйхати мавзуъҳои изҳороти муштарак дар соли 2013”, “Ҳуҷҷатҳо оид ба ташкил ва гузаронидани амалиёт ҷиҳати таъмини сулҳ бо нерӯҳои дастаҷамъии посдори сулҳи Созмони Аҳдномаи амнияти дастаҷамъӣ”. Иштирокчиён ҳамчунин як силсила масоили ташкилиро баррасӣ карданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






