Кӯмаки иҷтимоӣ ба оилаҳои камбизоат

Восеъ, 20 май. (АМИТ «Ховар», С.Холов). – Дар ноҳияи Восеъ бо мақсади таъмини иҷрои Қарори Ҳукумати ҶТ «Дар бораи тақвияти кӯмакрасонии иҷтимоӣ ба оилаҳо ва шаҳрвандони камбизоат» аз ҷониби мақомоти иҷроияи ҳокимияти давлатии ноҳия тадбирҳои зарурӣ андешида шуда, дар ин самт корҳои муайянеро ба анҷом расониданд. Ба гуфти котиби матбуотии раиси ноҳия Сафаралӣ Мирзоев дар ин давра дар ноҳия 1997 ҷойи нави корӣ ташкил шудааст, ки ба соҳаҳои саноатӣ, сохтмонӣ, кишоварзӣ соҳибкорӣ ва дигар соҳаҳои мухталиф шомил мебошад. Манбаъ афзуд дар ноҳия як хона – интернати бепарасторон ва ду мактаб – интернат фаъолият карда. ҷиҳати дастгирии онҳо аз ҳисоби шахсони саховатпеша ва соҳибкорон амалӣ мегарданд, ки то ин чониб ба онҳо 68220 сомонӣ кӯмаки моддӣ расонида шудааст.