Коргар-шоир

Турсунзода, 2 май. (АМИТ «Ховар», Ҳотам Рабиев).-Устои таъмиргари барқии Корхонаи воҳиди давлатии «Ширкати алюминийи Тоҷик» Музаффар Ҳайдаровро коргарони корхона на танҳо чун коргари пешқадам, балки ҳамчун шоир низ мешиносанд. Ӯ зиёда аз 30 сол боз дар ин корхона фаъолияти пурсамар дорад ва ашъори баландмазмуне ба забони русӣ эҷод менамояд. Ба наздикӣ аз шаҳри Маскав хушхабар расид. Ашъори Музаффар Ҳайдаров дар озмуни сомонаи «Стихи.ру» сазовори ҷои намоён гардида, худи ӯ бо унвони «Шоири соли 2012» ва бо Диплом қадрдонӣ шуд.Боиси тазаккур аст, ки сомонаи «Стихи.ру» аз соли 2000-ум фаъол буда, дар он зиёда аз 500 ҳазор шоирон аз кулли кишварҳои ҷаҳон, ки ба забони русӣ эҷод менамоянд, метавонанд ашъори худро ба хонандагон муаррифӣ намоянд.