Муқовимат ба қонунигардонии даромадҳои бо роҳи ҷиноят бадастоварда
Душанбе, 29 май.(АМИТ «Ховар», Марзия Саидова).-Дар ҷаласаи навбатии иҷлосияи чоруми палатаи поёнии Парлумони Тоҷикистон, ки имрӯз таҳти раёсати Шукурҷон Зуҳуров –раиси Маҷлиси намояндагон баргузор шуд, маҷмӯи масъалаҳои марбут ба рушди иқтисодию иҷтимоии кишвар баррасӣ гардиданд. Вакилони Парлумон масъалаҳои вобаста ба ворид намудани тағйиру иловаҳо ба «Кодекси ҷиноятии Ҷумҳурии Тоҷикистон», «Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм», «Дар бораи нотариати давлатӣ», Кодекси мурофиавии ҷиноятии Ҷумҳурии Тоҷикистон, «Дар бораи таъмини амнияти санитарию эпидемиологии аҳолӣ» ва «Дар бораи роҳҳои автомобилгард ва фаъолияти роҳдорӣ»-ро муҳокима ва қабул карданд. Абдуҷаббор Ширинов- раиси Бонки миллии Тоҷикистон, вакилон Насрулло Маҳмудов ва Тӯрахон Самадов мақсади ворид намудани тағйиру иловаҳо ба «Кодекси ҷиноятии Ҷумҳурии Тоҷикистон», лоиҳаи қонунҳои Ҷумҳурии Тоҷикистон «Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм», «Дар бораи нотариати давлатӣ»-ро тавзеҳ доданд. Зикр шуд, ки лоиҳаи ин қонунҳо барои иҷрои тавсияҳои Гуруҳи татбиқи чораҳои молиявии муқовимат ба софкории пул ва «Нақшаи чорабиниҳо ба мутобиқгардонии қонунгузории Ҷумҳурии Тоҷикистон ба тавсияҳои гуруҳи мазкур» таҳия шудааст.Таъкид гардид, ки Ҷумҳурии Тоҷикистон аз 6-уми ноябри соли 2004 аъзо ва яке аз муассисони Гуруҳи АвруОсиё аст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






