Нахустин ҷаласаи Комиссияи байниҳукуматии Тоҷикистону Кувайт
Душанбе, 24 май. (АМИТ «Ховар», Бекназари Абӯбакр). — 23 майи соли 2013 дар шаҳри Душанбе ҷаласаи якуми Комиссияи байниҳукуматии Тоҷикистону Кувайт оид ба ҳамкориҳои тиҷоратию иқтисодӣ ва илмию техникӣ доир гардид.Аз Кумитаи давлатии сармоягузорӣ ва идораи амволи давлатӣ ба АМИТ «Ховар» иттилоъ доданд, ки ҳайати Ҷумҳурии Тоҷикистонро дар ҷаласаи мазкур раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов ва ҳайати Давлати Кувайтро Халифа Мусаид ал-Ҳамада — муовини вазири молияи давлати Кувайт роҳбарӣ намуданд. Ҳамзамон дар ҷаласаи мазкур муовини Сарвазири Давлати Кувайт Мустафо ал-Шимолӣ иштирок ва суханронӣ намуд.Дар ҷаласа масъалаҳои ба роҳ мондани ҳамкорӣ дар соҳаҳои тиҷорат, молия, сармоягузорӣ, бонкдорӣ, маориф, фарҳанг, соҳибкорӣ, рушд, минтақаҳои озоди иқтисодӣ, саноат ва энергетика, геология, нафту газ, кишоварзӣ, тандурустӣ, ҷалби қувваи корӣ баррасӣ шудаанд.Д. Саидов иброз намуд, ки Тоҷикистону Қувайт дорои имкониятҳои баланди ҳамкорӣ мебошанд. Дар ин замина самаранок истифода бурдани имкониятҳо шароит фароҳам меоварад, ки сатҳи муносибатҳои тиҷорати иқтисодӣ баланд бурда шуда, лоиҳаҳо ва барномаҳои муштарак амалӣ шаванд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






