Ш. Зуҳуров доир ба сиёсати иҷтимоии ҳукумат ибрози назар кард
Душанбе, 6 май.(АМИТ «Ховар», Марзия Саидова).-Шукурҷон Зуҳуров -раиси Маҷлиси намояндагони Маҷлиси Олии ҷумҳурӣ дар доираи сафари худ ба шарқи мамлакат дар ноҳияи Тоҷикобод бо намояндагони гуногункасби ноҳия мулоқот анҷом дод. Шукурҷон Зуҳуров доир ба сиёсати иқтисодии хукумати Тоҷикистон ибрози назар намуда гуфт, ки: «Президенти мамлакат Эмомалӣ Раҳмон дар Паёми худ ба Маҷлиси Олӣ ба масъалаи сиёсати иқтисодии кишвар таваҷҷуҳ намуда, таъкид кард, ки ҳадафи мо – тақвияти пайгиронаи рушди босуботи иқтисодии Тоҷикистон ва дар ин асос баланд бардоштани сатҳи некӯаҳволии мардум аст».Раиси Маҷлиси намояндагон доир ба маблағгузории соҳаи иҷтимоӣ изҳори назар намуда, гуфт, ки дар Паёми Президенти мамлакат ба Парлумон омадааст, ки маблағгузории соҳаҳои иҷтимоӣ то соли 2020-ум аз 12 то ба 16 % -и маҷмӯи маҳсулоти дохилӣ расонида мешавад. Ин имконият медиҳад, ки музди меҳнати кормандони соҳаҳои буҷавӣ, нафақа ва стипедия дар ин давра аз 2,5 то 3 баробар зиёд карда шавад.Зикр шуд, ки вобаста ба татбиқи ин мақсад дар марҳалаи аввал аз 1-уми сентябри соли ҷорӣ музди меҳнати кормандони соҳаҳои буҷавӣ аз 20 то 30 % зиёд карда мешавад, ки ин барои беҳтар гардидани вазъи рӯзгори ҷомеа мусоидат хоҳад кард. Дар мулоқот ҳамзамон масоили фаро гирифтани ҷавонону духтарон ба таҳсил ва омӯзиши илмҳои муосир, ҷалби онҳо ба корҳои созандагиву бунёдкорӣ, тақвияти ваҳдати комил дар миёни қишрҳои гуногуни ноҳия матраҳ гардиданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






