Шикасти дастаи мунтахаби Тоҷикистон дар Қувайт

Душанбе, 13 май. (АМИТ «Ховар», Баҳманёр Муродов).-Дастаи мунтахаби футболбозони ҷавони Тоҷикистон (U-19) бозии ҷавобии санҷишиашро дар доираи давраи омодагӣ ба сабқати интихобии Қаҳрамони Осиё дар Қувайт бо мунтахаби ҷавонони ин кишвар ба ҳисоби 0: 2 бохт.  Дар ин бора ФФТ хабар дода, афзудааст, ки бозии аввал байни ин ду даста мусовӣ анҷом ёфта буд. Ҳамин тавр давраи омодагии дастаи мунтахаби футболбозони ҷавони Тоҷикистон (U-19) ба сабқати интихобии қаҳрамони Осиё дар Қувайт анҷом ёфта, имрӯз футболбозони ҷавон ба кишвар бармегарданд.