Тайёр кардани мутахассисони рақобатпазир ба бозори меҳнатӣ
Душанбе, 15 май. (АМИТ «Ховар», Дилшодаи Хайруллоҳ) .- Рўзҳои 17-18 майи соли 2013 дар филиали Донишгоҳи технологии Тоҷикистон дар шаҳри Кўлоб конфронси илмию амалии байналмилалӣ дар мавзӯи «Тайёр кардани мутахассисони рақобатпазири бозори меҳнатӣ дар шароити ҳамгироии муассисаҳои таҳсилоти олии касбии хориҷи кишвар ва Ҷумҳурии Тоҷикистон» бо доираи васеи устодон, профессорон, олимони дохил ва хориҷи кишвар доир мегардад. Мавриди тазаккур аст, ки мавзӯи мазкур аз ҷониби Президенти кишвар, Эмомалӣ Раҳмон дар Паёми навбатӣ ба Маҷлиси Олӣ матраҳ гардид, ки он яке аз масъалаҳои муҳими Паём ба ҳисоб мерафт.Дар кори конфронс олимону муҳаққиқон аз муассисаҳо шарикони ҳамкори шаҳрҳои Иваново, Ярославл, Кастрома, Варонеж ва дигар шаҳрҳои Федератсияи Русия ширкат хоҳанд варзид. Тибқи иттилои котиботи Вазорати энергетика ва саноати Ҷумҳурии Тоҷикистон ҳамасола дар доираи ҳамкориҳои судманди Донишгоҳи технологии Тоҷикистон ва муассисаҳои Федератсияи Россия аз ҳисоби бурсияҳои шарикон зиёда аз садҳо нафар ҷавонон ба таҳсил фаро гирифта мешаванд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
