Такмили малакаи касбии омўзгорони соҳаи технологияҳои иттилоотӣ
Душанбе, 15 май. (АМИТ «Ховар», Дилшодаи Хайруллоҳ) .- Донишгоҳи технологии Тоҷикистон тайи солҳои охир ҳамчун шарики фаъол дар як силсила лоиҳаҳо ҳамкорӣ дар чаҳорчўбаи барномаи таълимотии TEMPUS-и Итиҳоди Аврупо ширкат меварзад, ки онҳо ба раванди баланд бардоштани сифати таҳсилот ва мутобиқкунонии барномаҳои таълимии ихтисосҳои донишгоҳ ба барномаи таълимии сатҳи аврупоӣ, инчунин такмили маҳорати педагогӣ ва малакаи касбии ҳайати омўзгорони донишгоҳ равона гардидаанд.Дар доираи нақшаи чорабиниҳо яке аз чунин лоиҳаҳо, лоиҳаи ҳамкории аврупоии 158677-TEMPUS-DE-TEMPUS-JPCR «HEICA-Higher Education Initiative for Informatics in Central Asia» (Ташаббуси таҳсилоти олӣ дар соҳаи информатика дар Осиёи Марказӣ) ба ҳисоб рафта, охири ҳафтаи гузашта дар Донишгоҳи технологии Тоҷикистон конфронси якуми арзёбии натиҷаҳои лоиҳаи HEICA ва гузаронидани семинар-тренингҳои равияҳои алоҳидаи соҳаи технологияҳои иттилоотӣ баргузор гардид, ки дар он ҳайати профессорӣ- омўзгории муассисаҳои таҳсилоти олии касбии кишварҳои Иттиҳоди Аврупо (Ҷумҳурии Федеролии Олмон, Шоҳигарии Шветсия, Ҷумҳурии Ўзбекистон) ширкат доштанд.Бояд тазаккур дод, ки ташкил ва гузаронидани чорабиниҳои номбурда дар такмили маҳорати педагогӣ ва малакаи касбии омўзгорони соҳаи технологияҳои иттилоотӣ, баланд бардоштани сифати таҳсилоти олии касбии кишварҳои Иттиҳоди Аврупо ва Осиёи Марказӣ мусоидат хоҳад намуд.Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






