Дастгирии Бонки ҷаҳонӣ аз амнияти озуқавории Тоҷикистон
Душанбе, 4 июн. (АМИТ «Ховар», Дилшодаи Хайруллоҳ) .- 3-юми июни соли ҷорӣ Ҳукумати Тоҷикистон ва Бонки ҷаҳонӣ ба лоиҳае бо маблағи умумии 45,9 миллион доллари амрикоӣ ифтитоҳ бахшиданд, ки мақсади он беҳтар намудани истеҳсолоти кишоварзӣ ва ташкили ҷойҳои кории муваққатӣ дар дувоздаҳ ноҳияи Тоҷикистон мебошад. Лоиҳа имкон медиҳад, ки зиёда аз 770 ҳазор нафар аҳолӣ дар дувоздаҳ ноҳияи вилояти Хатлон аз ҳосилнокии баланд, имкониятҳои иловагии ҷойи корӣ ва даромадҳои беҳтар баҳраманд шаванд.Лоиҳаи нав ба воситаи гранти Ассотсиатсияи байналмилалии рушд (IDA) дар ҳаҷми 18 миллион доллари амрикоӣ ва гранти Барномаи Хазинаи трастии мултидонорӣ оид ба кишоварзӣ ва амнияти озуқавории ҷаҳонӣ дар ҳаҷми 27,9 миллион доллар маблағгузорӣ мешавад, ки маблағгузории онро Шӯрои директорони иҷроияи Бонки ҷаҳонӣ моҳи ноябри соли 2012 тасдиқ намуда буд. Лоиҳа мақсад дорад, ки тавассути имкониятҳо оид ба ҷойҳои кории ҷамъиятии муваққатӣ ва азнавбарқарорсозии инфрасохтори муҳими обёрӣ ва заҳбур ба зиёда аз 770 000 нафар аҳолии дувоздаҳ ноҳияи ҷануби Тоҷикистон дар вилояти Хатлон нафъ оварад.Гуфта мешавад, соҳаи кишоварзӣ дар Тоҷикистон гирандаи калонтарини маблағгузории умумии Бонки ҷаҳонӣ мебошад, ки то имрӯз зиёда аз 280 миллион доллари амрикоӣ ба ин соҳа равона шудааст.Алҳол маҷмӯи лоиҳаҳои фаъоли Бонки ҷаҳонӣ дар Тоҷикистон аз 15 лоиҳа иборат мебошад, ки ба онҳо маблағи умумии 271 миллион доллари амрикоӣ сафарбар мешавад.Дар ин бора аз Дафтари матбуоти Намояндагии Бонки ҷаҳонӣ дар Тоҷикистон хабар доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






