Мулоқоти Н. Зоҳидов бо ҳайати Шӯрои иҷроияи UNDP, UNFPA ва UNOPS
Душанбе, 26 июн.(АМИТ «Ховар»,Фарзона Достонзода).-Муовини вазири корҳои хориҷии Ҷумҳурии Тоҷикистон Низомиддин Зоҳидов ҳайати Шӯрои иҷроияи Барномаи рушди СММ (UNDP), Бунёди аҳолии СММ (UNFPA) ва Дафтари СММ оид ба хизматрасонии лоиҳаҳо (UNOPS)-ро 25 июн ба ҳузур пазируфт.Тавре ба АМИТ «Ховар» аз Вазорати корҳои хориҷии кишвар иттилоъ доданд, дар ҷараёни мулоқот ҷонибҳо масъалаҳои ҳамкории Ҷумҳурии Тоҷикистон бо UNDP, UNFPA ва UNOPS, ҷалби СММ ба раванди ҳамгироии минтақавӣ бо мақсади таҳким ва тавсеаи бештари ҳамкории минтақавӣ, афзудани кӯмак дар амалисозии барномаҳои дарозмуддати рушди иқтисодиву иҷтимоии кишвар, масъалаҳои рушди устувори иқтисодӣ дар сатҳҳои милливу минтақавӣ, мавзӯи обу энергетика, ҳамкорӣ дар соҳаи маориф ва нақши СММ дар ҳамоҳангсозии фаъолият дар мубориза бо терроризм, ифротгароӣ ва гардиши ғайриқонунии маводди мухаддир дар Осиёи Марказиро мавриди муҳокима қарор доданд. Ҳайати Шӯрои иҷроия пойбандии Ҷумҳурии Тоҷикистонро дар мавриди расидан ба Ҳадафҳои рушди ҳазорсола баланд арзёбӣ кард. Ҷонибҳо ба муваффақияти Конфронси байналмилалии сатҳи баланди ҳамкорӣ дар соҳаи об, ки бино ба қатъномаи Маҷмаи Умумии СММ 67/204 дар Душанбе 20-21 августи 2соли ҷорӣ баргузор мегардад, изҳори умедворӣ карданд. Дар интиҳо ҷонибҳо манфиатдор будани худро ба густариши хамкорӣ байни Ҷумҳурии Тоҷикистон ва СММ таъйид карданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






