Мусобиқа барои дарёфти Ҷоми ФФТ

Душанбе, 21 июн. (АМИТ «Ховар»). – 23 июн дар варзишгоҳи «Хайр» — и шаҳри Ваҳдат мусобиқа барои дарёфти Ҷоми Федератсияи футболи Тоҷикистон оғоз меёбад. Мусобиқа дар ду давр, яъне даври пешакӣ ва даври ниҳоӣ сурат мегирад. Дар даври пешакӣ дар минтақаи шаҳри Душанбе, ки аз 23 то 28 июн дар варзишгоҳи «Хайр» — и шаҳри Ваҳдат баргузор мешавад, дастаҳои «Истиқлол», ССКА «Помир», «Хайр» ва «Кӯктош» иштирок менамоянд. Баъди анҷоми даврҳои пешакӣ ду дастаи беҳтарин аз минтақаҳои шаҳри Душанбе ва вилояти Суғд ба қисми нимфиналӣ ворид мешаванд. Ғолиби Ҷоми Федератсияи футболи Тоҷикистон бо 20 ҳазор сомонӣ ва дастаи мағлуб бо 10 ҳазор сомонӣ қадр карда мешаванд.Дар ин бора аз Федератсияи футболи Тоҷикистон ба АМИТ «Ховар» хабар доданд.