Мусоидати Хадамоти муҳоҷират ба пардохти музди меҳнати муҳоҷирон
Душанбе, 20 июн. (АМИТ «Ховар», Лутфия Эшонқулова).-Бо мусоидати Намояндагии Хадамоти муҳоҷирати назди Ҳукумати ҶТ дар ФР 650 ҳазор рубл музди меҳнати пардохтнашудаи як гуруҳи муҳоҷирони тоҷик баргардонида шуд. Тавре ки ба АМИТ «Ховар» дар маркази матбуоти Намояндагии Хадамоти муҳоҷират хабар доданд, бо дархости кӯмак дар баргардонидани музди меҳнат аз номи гуруҳи сохтмончиёни тоҷик шаҳрванд Қадамов Умед Раҳматуллоевич 3 июни соли равон ба дафтари Намояндагӣ муроҷиат карда буд.Дар аризаи худ У.Қадамов овардааст, ки бригадаи онҳо иборат аз 14 нафар дар ҳайати ҶММ «СМ-Строй» ш.Москва ба сифати танзимгар, васлгар, барқчӣ ва челонгар аз 4 декабри соли 2012 то 5 марти 2013 фаъолият намуда, дар як чанд иншооти сохтмонӣ корҳои гуногуни таъмиру сохтмониро иҷро кардаанд. Аммо бо сабабҳои номаълум ду моҳи охир музди меҳнати онҳо нопурра пардохт шуда, қарздории корфармо дар назди муҳоҷирон 650 ҳазор рублро ташкил медиҳад. Зимни баррасии ариза корманди Намояндагӣ Имматшо Қадамов бо роҳбари корхонаи «СМ_Строй» Владимир Смагин вохӯрӣ менамояд. Дар натиҷаи мулоқот бо корфармо сарфи назар аз мавҷуд набудани шартномаи меҳнатӣ тарафҳо оид ба пардохти пурраи музди меҳнати коргарон ба мувофиқа мерасанд.19 июн ба бригадаи сохтмончиёни тоҷик ба пуррагӣ музди меҳнат пардохта шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






