Таваҷҷуҳи «Bereket Enerji» ба захираҳои гидроэнегетикии Тоҷикистон

Анқара, 17 июн. (АМИТ «Ховар», Фарангис Раҳимова). — Масоили ҳамкориҳо дар соҳаҳои энергетика, коркарди маъдан, бунёди санаторияҳои табобатӣ ва сохтмони корхонаҳои тавлидоти озуқаворӣ дар мулоқоти Сафири Фавқулодда ва Мухтори Ҷумҳурии Тоҷикистон дар Ҷумҳурии Туркия Фаррух Шарипов бо муовини раиси ширкати “Bereket Enerji” Алӣ Яғлӣ, 14 июни соли ҷорӣ дар Анқара баррасӣ гардиданд. Аз Сафорати Тоҷикистон дар Туркия ба мухбири АМИТ «Ховар» хабар доданд, ки муовини раиси “Bereket Enerji” алоқамандди худро ҷиҳати ҳамкориҳо дар соҳаи энергетика, аз ҷумла бунёди нерӯгоҳҳои хурду бузурги обӣ- барқӣ баён намуда, қайд кард, ки омодааст барои шиносоӣ аз наздик бо фазои сармоягузорӣ ва захираҳои гидроэнегетикӣ бо ҳайати махсус ба Тоҷикистон сафар намояд. Бояд зикр кард, ки ширкати “Bereket Enerji” яке аз ширкатҳои бузургтарини “Bereket Grup” аст, ки он иборат аз ширкатҳои мухталиф, аз қабили «Aydem Elektrik» , «Bereket Icotermal», «Tumas Mermer» ва «Aytas» мебошад.