«Зиндонии ихтиёрӣ» интишор ёфт

Душанбе, 6 май. (АМИТ «Ховар», Баҳманёр Муродов).-Нашриёти «Адиб» китоби нави нависанда Сироҷиддин Қосимро бо номи «Зиндонии ихтиёрӣ» мунташир намуд.Ин китоб бо теъдоди 1000 нусха интишор ёфта, маҷмӯаест иборат аз рӯйдод, лавҳа ва ҳикоёти моҷароӣ, ки ба фаъолияти кормандони соҳаи ҳифзи ҳуқуқ бахшида шудааст.Қаҳрамонони ҳикоёти ин китоб ба мушкилоти зиёди зиндагӣ дучор омада, ҳар кадоме аз рӯйи заковат, фаросат ва ахлоқу дониши худ садамаҳои зиндагиро паси сар мекунад.