Афзоиши истеҳсоли маҳсулот дар Роғун

Июль 30, 2013 13:39

Душанбе, 30 июл. (АМИТ «Ховар», Раъно Нусратуллоева).- Тибқи маълумоти Осиямоҳ Давлатова, мутахассиси шуъбаи рушди иҷтимоӣ ва робита бо ҷомеаи дастгоҳи раиси шаҳри Роғун дар қаламрави шаҳр 1098 адад хоҷагии деҳқонии инфиродӣ, 3 адад хоҷагии ёрирасон, 2 адад кооперативи истеҳсолӣ ва 1 хоҷагии давлатии «Ҷангал» фаъолият дорад. Масоҳати умумии заминҳои корами шаҳр 2376 гектарро ташкил дода, кишти умумии зироатҳо дар нимсолаи аввали соли ҷорӣ 2318 гектарро ташкил медиҳад, ки нисбат ба ҳамин давраи соли гузашта 61 га зиёд мебошад. Дар давраи ҳисоботӣ дар атрофи шаҳр 6260 бех дарахтони мевадиҳандаи гуногун дар майдони 24 гектар ҳамчун «Боғи умумишаҳрӣ» бунёд шуданд. Хоҷагиҳои кишоварзӣ 25 гектар боғҳои куҳнаро аз нав барқарор намуданд. Дар нимсолаи аввали соли равон, истеҳсоли маҳсулоти соҳаи чорводорӣ, аз ҷумла; гӯшт 363 тонна, шир 874 тонна, тухм 500 ҳазор донаро ташкил медиҳад, ки нисбат ба ҳамин давраи соли гузашта гӯшт 23 тонна, шир 51 тонна, тухм 31 ҳазор дона зиёд мебошад. Зиёда аз 3 маротиба ярмаркаи фурӯши маҳсулоти кишоварзӣ барои сохтмончиён ва аҳолӣ ташкил шуд, ки нархи ҳамаи маҳсулот нисбат ба нархи бозор то 30 % арзон буд. Инчунин ба 98 нафар бекорони дар қайд буда роҳхат барои касбомузӣ дода шуд. Ба онҳо касби муҳосиб бо дониши компютерӣ, муҳосиб- коргузор ва дӯзандагӣ омӯзонида мешавад. Инчунин 150 нафар тавассути «Шаҳодатномакунонӣ» дар ҳамкорӣ бо КВД «Маркази таълимии шаҳри Душанбе» соҳиби шаҳодатномаи касбӣ шудаанд.

Июль 30, 2013 13:39

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид