Ба иҷорадиҳии квартираҳои коммуналӣ қатъ карда мешавад

Душанбе, 30 июл.(АМИТ “Ховар”, Марзия Саидова).-Шаҳрдории Душанбе эълом медорад, ки минбаъд ба иҷорадиҳии квартираҳои коммуналӣ аз сӯи шаҳрдорӣ ба шаҳрвандон қатъ карда мешавад. Ин тадбири шаҳрдорӣ бинобар зарурати татбиқи Нақшаи генералӣ ва ба миён омадани бартарафсозии иншооти мавҷуда дар минтақаҳои алоҳидаи шаҳр ва тибқи қонунгузории амалкунанда таъмин намудани соҳибмулкон бо квартираҳои баробарарзишу замонавӣ андешида шудааст. Аз ин рӯ, минбаъд фонди манзили коммуналии шаҳр танҳо баҳри қонеъ намудани талаботи чунин соҳибмулкон равона карда мешавад.   Дар робита минбаъд дар шаҳрдорӣ муроҷиати шаҳрвандон дар мавриди ба иҷора гирифтани квартираҳои коммуналӣ қабул ва баррасӣ намешавад.