Донишмандони шинҷонӣ таҷрибаи Чинро муаррифӣ мекунанд

Душанбе, 11 июл.(АМИТ «Ховар», Марзия Саидова).- «Истифодаи механизми Созмони байналмилалии тиҷорат /СБТ/ дар рушди савдо:таҷрибаи Чин», таҳти чунин унвон дар Донишгоҳи миллии Тоҷикистон /ДМТ/ баргузории конфронс рӯзи 13 июл дар назар дошта шудааст. Созмондиҳандаи ин чорабинӣ Палатаи савдо ва саноати ҷумҳурӣ буда, дар он олимону донишмандони Донишгоҳи иқтисод ва тиҷорати /ДИТ/ Ҷумҳурии Мухтори Шинҷону Уйғури-/ ҶМШУ/-и Чинӣ аз ҷумла Се Шу Син-ноиби ректори ДИТ ҶМШУ, Чжан Зен профессор, мудири Пажуҳишгоҳи тадқиқотии вобаста ба Осиёи Марказӣ ва Ху Ин намояндаи Пажуҳишгоҳи тиҷорати байналмилалии ДИТ Шинҷон, инчунин ҳайати устодону донишҷӯёни ДМТ ширкат намуда, дар нишаст масъалаи истифодаи механизми СБТ, таҷрибаи Чин дар рушди иқтсиод ва савдо, масоили марбут ба густариши ҳамкориҳои ҳасана ва судмнад байни ДМТ ва ДИТ –и Шинҷон матраҳ хоҳад гашт. «Интизор меравад, ки дар фарҷоми конфронс санадҳои ҳамкорӣ байни ду донишгоҳ ба имзо рассад»- мегӯяд намояндаи масъули Палатаи савдо ва саноати Тоҷикистон.