Гузоришҳои «Сафина» дар ҳалли мушкилоти мардум мусоидат мекунад
Душанбе, 10 июл. (АМИТ «Ховар»).- Лутфулло Давлатов, Директори Муассисаи давлатии «Телевизиони Сафина» имрӯз дар як нишасти хабарӣ дар Душанбе гуфт, ки «Телевизиони Сафина » ҷиҳати татбиқи Фармони Президенти Ҷумҳурии Тоҷикистон «Дар бораи вокуниши шахсони мансабдор ба маводи танқидӣ ва таҳлилии воситаҳои ахбори омма» дар шаш моҳи соли 2013-ум 30 маводи таҳлилӣ- интиқодӣ дар бораи масоил ва мушкилоти гуногуни ҷомеа таҳияву пахш намудааст, ки ба бархе аз онҳо масъулин вокуниш нишон додаанд. Директори «Телевизиони Сафина» ҳамчунин афзуд, ки дар асоси муроҷиати шаҳрвандон якчанд гузориши таҳлилӣ-интиқодӣ рўи эфир омада, барои ҳалли мушкилоти онҳо мусоидат намудааст. Ба гуфтаи ӯ, дар асоси муроҷиати 45 сокини деҳаи Ҳалқаҷари ҷамоати деҳоти Гулистони ноҳияи Рўдакӣ роҷеъ ба вайрон гардидани пули мошингузари маҳалла ва беэътиноии масъулин маводи таҳлилие омодаву пахш гардид ва дар мавриди ин гузориш Мақомоти иҷроияи ҳокимияти давлатии ноҳияи Рўдакӣ ба «Телевизиони Сафина» вокуниш нишон дод. Лутфулло Давлатов аз он изҳори нигаронӣ кард, ки аз 30 маводи таҳлилию интиқодии дар эфир пахш гардида, ҳанӯз ба 8 адади он шахсони масъул вокуниш нишон надодаанд. «Аз мақомоти иҷроияи ҳокимияти давлатии вилояти Хатлон, шаҳру нохияҳои Хуҷанд, Ашт, Истаравшан, Вахш, Боғи ҳайвоноти шаҳри Душанбе ва Раёсати назорати давлатии фаъолияти бойторӣ дар шаҳри Душанбе вокунишро интизорем»- илова намуд Лутфулло Давлатов.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






