Гузоштани хишти аввали корхонаи нави ресандагӣ дар ноҳияи Вахш

Душанбе, 6 июл (АМИТ «Ховар»).-Дар ноҳияи Вахш Сарвари давлат Эмомалӣ Раҳмон бо гузоштани санги асос ва нома ба наслҳои оянда ба сохтмони корхонаи бузурги ресандагӣ оғоз бахшид.Тавре иттилоъ дода шуд, ин корхона бо иқтидори солонаи коркарди 4 ҳазор тонна нахи пахта то моҳи сентябри соли 2014 аз ҷониби ширкати ватании Беҳрӯзи Мурод сохта, ба кор дароварда мешавад.Корхона бо харҷи 10 миллион доллари амрикоӣ бунёд ёфта, дар он 350 нафар бо кори доимӣ таъмин хоҳанд шуд. Ин муассисаи бузурги истеҳсолӣ бо технологияи муштараки Олмону Япония муҷаҳҳаз шуда, маҳсулоти хушсифати сатҳи ҷаҳонӣ тавлид хоҳад кард. Роҳбарияти корхона бо ҳидояти Сарвари давлат Эмомалӣ Раҳмон уҳдадор шуданд, ки оянда коркарди нахи пахтаро то маҳсулоти ниҳоӣ ба роҳ монанд, яъне корхонаҳои бофандагӣ, рангубори риштаю матоъ ва дӯхти либос низ бунёд хоҳанд кард.Маводи муфассал доир ба ин ва дигар мавзўъҳои фаъолияти Сарвари давлат Эмомалӣ Раҳмон, аз ҷумла матн, акс ва навори видеоро метавонед аз сомонаи расмии Президенти Ҷумҳурии Тоҷикистон «www.president.tj» дастрас намоед.