Хизматрасонии хуб ба нафақагирон

Муъминобод, 23 июл. (АМИТ «Ховар», С. Холов).-Бинобар иттилои сардори раёсати Агентии давлатии суғуртаи иҷтимоӣ ва нафақаи ноҳияи Муъминобод Хайрулло Бозоров шумораи нафақагирон дар ноҳия зиёда аз 6215 нафарро дар бар гирифта, аз ин шумора 3318 нафарашро нафақагирони пиронсол ташкил медиҳад. Ба гуфтаи манбаъ талаботи нафақа дар шаш моҳи соли ҷорӣ 6 млн. 624ҳазору 600 сомонӣ мебошад ва то ин дам нафақа аз тарафи раёсат пурра пардохта шудааст. Мавриди зикр аст, ки маъюбон ва иштирокчиёни ҶБВ таҳти назорати қатъии кормандони раёсат қарор гирифта, ба онҳо сари вақт хизмат расонида мешавад. Дар давоми шаш моҳи соли ҷорӣ аз тарафи мутахассисони раёсат оид ба ҳисоби дурусти хароҷоти маблағҳои суғуртаи иҷтимоӣ 43 санҷиш гузаронида шуд.