Инкишофи ҳаёти ҷамъиятӣ дар асоси равияҳои гуногуни сиёсӣ
Душанбе, 25 июл. (АМИТ «Ховар», Дилшодаи Хайруллоҳ) .- Дар партави дастуру ҳидоятҳои Президенти мамлакат Эмомалӣ Раҳмон дар мулоқот бо намояндагони аҳли ҷомеа ва тибқи нақшаи фаъолияти ҲХДТ бо мақсади таҳлил ва муайян намудани омилҳои маънавию ғоявӣ ва вобастагии рушди ҳаёти ҷомеа дар асоси равияҳои гуногуни сиёсӣ ва мафкуравӣ 25 июли соли 2013 бо ибтикори дастгоҳи Кумитаи Иҷроияи Марказии ҲХДТ дар толори Донишкадаи такмили ихтисоси хизматчиёни давлатӣ дар мавзўи «Инкишофи ҳаёти ҷамъиятӣ дар асоси равияҳои гуногуни сиёсӣ ва мафкуравӣ” бо ҷалби васеи фаъолони ҳизбӣ, олимон, коршиносон, ходимони дин ва намояндагони Ташкилоти ҷамъиятии ҷавонон «Созандагони Ватан» конфронси илмию амалӣ доир гардид.Дар конфронс муовини якуми Раиси ҳизб Сафар Сафаров вобаста ба ҷойгоҳи равияҳои сиёсӣ ва мафкуравӣ дар ҳаёти сиёсии ҷомеа, инкишофи ҳаёти ҷамъиятӣ ва ташаккули тафаккури шаҳрвандон дар равандҳои сиёсӣ ибрози ақида намуд. Дар конфронс бо маърўзаҳои илмӣ номзади илмҳои сиёсатшиносӣ, муовини директори Маркази тадқиқоти стратегии назди Президенти Ҷумҳурии Тоҷикистон Сайфулло Сафаров оид ба нақши гуногунандешӣ ва равияҳои гуногуни мафкуравӣ дар таҳкими истиқлолият ва ваҳдати миллӣ, доктори илмҳои иқтисодӣ, коршиноси Маркази таблиғот ва таҳлилии дастгоҳи Кумитаи Иҷроияи Марказии ҲХДТ Аброр Мирсаидов оид ба фаъолияти идеологӣ, моҳият ва вазифаҳои он дар замони муосир ва дигарон , сухан гуфтанд. Иштирокчиёни конфронс зикр намуданд, ки бояд тамоми қишрҳои ҷомеаи шаҳрвандӣ дар атрофи ғояи пешниҳоднамудаи Сарвари давлат- «Тоҷикистони озоду соҳибистиқлол — Ватани маҳбуби ҳамаи мо» муттаҳид гардида, ҷиҳати ҳифзи давлату давлатдорӣ, таъмини амнияти кишвар ва нигоҳ доштани суботу оромии ҷомеа саҳмгузор бошанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






