Кумаки моддии Президент ба ятимони бе падару модари шаҳрҳои Қурғонтеппа Сарбанд ва чанде аз ноҳияҳои ин минтақа

Душанбе, 5 июл (АМИТ «Ховар»).-Дар бустонсарои мақомоти иҷроияи ҳокимияти давлатии вилояти Хатлон Президенти кишвар Эмомалӣ Раҳмон бо 279 нафар мактаббачагону донишҷӯёне, ки аз падар ва модар ятим мондаанд, вохӯрии судбахш анҷом дод. Инҳо ятимони кулл аз шаҳрҳои Қурғонтеппаю Сарбанд ва ноҳияҳои Бохтар, Вахш, Хуросон, Абдурраҳмони Ҷомӣ ва Ёвон мебошанд.Сарвари давлат Эмомалӣ Раҳмон ба ҳар яки онҳо кумаки моддӣ ва туҳфаҳои арзишманд тақдим намуда, ба хониши хубу аъло ва соҳиби касбу ҳунар шудан ҳидояташон кард. Ба хонандагони аз синфи 7 боло ва донишҷӯёни ятим, дар баробари дигар кумакҳо, яктогӣ планшет тақдим гардид.
 
Маводи муфассал доир ба ин ва дигар мавзўъҳои фаъолияти Сарвари давлат Эмомалӣ Раҳмон, аз ҷумла матн, акс ва навори видеоро метавонед аз сомонаи расмии Президенти Ҷумҳурии Тоҷикистон «www.president.tj» дастрас намоед.