Лоиҳаи ҷадид барои сохтмони роҳи оҳани Тоҷикистон, Афғонистон ва Туркманистон

Душанбе,22 июл. (АМИТ «Ховар», Фарзонаи Давлат).- Дар масъалаи қисмати сохтмони роҳи оҳани Тоҷикистон, Афғонистон ва Туркманистон, ки аз ноҳияи Ҷалолиддини Румӣ то Панҷи поён 50 км-ро ташкил мекунад, аз ҷониби тоҷикистонӣ гуфтушунид рафта истодааст. Ин нукта имрӯз, 22-уми июл зимни нишасти хабарии КВД «Роҳи оҳани Тоҷикистон» зикр гардид.Бино ба иттилои манбаъ, пуле, ки дар сарҳади Тоҷикистону Афғонистон ин роҳро мепайвандад, 800 метро дар бар мегирад ва қисмати афғонистониаш 500 км ва тарафи туркманистонӣ 90 км мебошад.Ҳамчунин гуфта шуд, ки барои лоиҳаи ин тарҳ аз ҷониби Тоҷикистон танҳо гуфтушунид рафта истодааст ва як лоиҳаи ҷадид низ пешниҳод шудааст, ки ин лоиҳа танҳо роҳи кӯтоҳро дарбар мегирад, ва аз ҷониби мутахассисон мавриди омӯзиш қарор дорад.Лоиҳаи сохтмони ин тарҳи роҳи оҳан аз ҷониби Туркманистон пурра то Мазори Шарифи Афғонистон омода шудааст ва дар ҳоли татбиқ қарор дорад, зикр гардид дар ҷамъбасти фаъолияти шашмоҳаи КВД «Роҳи оҳани Тоҷикистон».