Мулоқоти Эмомалӣ Раҳмон бо Камолиддин Фаттоҳ Гайдаров

Душанбе, 2 июл (АМИТ «Ховар»).- Имрӯз Президенти Ҷумҳурии Тоҷикистон Эмомалӣ Раҳмон Вазири ҳолатҳои фавқуллода ва мудофиаи граждании Ҷумҳурии Озорбойҷон Камолиддин Фаттоҳ Гайдаровро ба ҳузур пазируфт.Зимни мулоқот доир ба омӯзиши таҷрибаи байниҳамдигарии пешгирӣ аз ҳолатҳои фавқулодда ва тақвият бахшидани кори хадамотҳои наҷотбахшӣ, расонидани кӯмакҳои моддию техникӣ барои бартарафсозии оқибатҳои офатҳои таббиӣ ва омода кардани мутахассисони баландихтисоси соҳа табодули афкор сурат гирифт.Дар мулоқот ҳамзамон вазъи кунунӣ ва дурнамои ҳамкориҳои гуногунҷабҳаи Тоҷикистон ва Озорбойҷон дар соҳаҳои гуногуни барои ҳар ду ҷониб афзалиятнок мавриди баррасӣ қарор дода шуда зарурати фаъолгардонии кори комиссияҳои байниҳукуматӣ оид ба ҳамкориҳои иқтисодӣ – тиҷоратӣ махсус таъкид гардид.
Маводи муфассал доир ба ин ва дигар мавзўъҳои фаъолияти Сарвари давлат Эмомалӣ Раҳмон, аз ҷумла матн, акс ва навори видеоро метавонед аз сомонаи расмии Президенти Ҷумҳурии Тоҷикистон «www.president.tj» дастрас намоед.