Шаҳрдорӣ дар моҳи Рамазон нархи маҳсулоти ниёзи аввалро муаяйн намуд
Душанбе, 9 июл.(АМИТ «Ховар», Марзия Саидова).-Шаҳрдории Душанбе ҷиҳати ғанӣ гардонидани дастархони сокинони пойтахт дар моҳи шарифи Рамазон тадбирҳои зарурӣ андешидааст. Дар робита, 12 намуди маҳсулоти ниёзи аввал дар тамоми бозорҳои шаҳр дар моҳи Рамазон ба таври зайл ба фурӯш гузошта мешаванд: 1 кг гӯшти мурғи ҶСШК “Мурғи Ҳилол”-и Файзобод 7 сомонӣ, гӯшти гов 29 сомонӣ, гӯшти гӯсфанд 30 сомонӣ, як халта орди навъи якум (истеҳсоли Қазоқистон) то 130 сомонӣ, 1 литр равғани растанӣ 7,5 сомонӣ, 1 кг биринҷи ватанӣ то 7 сомонӣ, 1 кг шакар то 4,2 сомонӣ, 1 литр шир дар бозорҳо то 3,5 сомонӣ ва дар дӯконҳои сайёри ҶСШК “Комбинати шири Душанбе” 4,5 сомонӣ, 1 кг сабзӣ то 1,6 сомонӣ, 1 кг картошка то 1,5 сомонӣ, 1 кг пиёз то 65 дирам ва 1 дона тухм то 50 дирам. Ин тадбир бо ташаббуси соҳибкорон ва дастгирии шаҳрдорӣ ҳамчун амали хайру эҳсон андешида шудааст. Инчунин, роҳбарони бозорҳои «Шоҳмансур», «Саховат», «Деҳқон» ва «Қарияи боло» муваззаф гардидаанд, ки дар моҳи шарифи Рамазон ба ҶСШК “Мурғи Ҳилол” ҷиҳати бо нархи арзон ба фурӯш баровардани тухму гӯшти мурғ нуқтаҳои савдо ҷудо намоянд. Ҳамзамон, шаҳрдории Душанбе аз сокинони пойтахт хоҳиш намдудаст, ки дар иртибот ба риояи фурӯши маҳсулоти хушсифат бо нархҳои тавсиявии рамазонӣ дар бозорҳои Душанбе мавқеъгирӣ намуда, аснои мушоҳидаи хилофкориҳо фикру андеша ва таасуроти худро тавассути сомонаҳои шаҳрдорӣ: www.dushanbe.tj, www.mometavonem.tj, www.bemiyonaravho.tj , dushanbe80@yahoo.com ирсол намоянд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






