Тарабхонаи соҳибкори тоҷик дар Маскав
Душанбе, 2 июл.(АМИТ «Ховар», Марзия Саидова).- Дар минтақаи Видноеи вилояти Маскави Русия меҳмонсарои «Сино» дари худро барои муштариён боз намуд, ки муассиси он соҳибкори шинохтаи тоҷик Абдуқодир Ҷабборов аст. Дар маросими ифтитоҳи меҳмонсарои «Сино» Абдумаҷид Достиев-сафири Тоҷикистон дар Русия, намояндагони сохторхои ҳукумати маҳаллӣ ва тоҷикони муқими шаҳру вилояти Маскав ширкат намуда, ба фаъолият шуруъ кардани меҳмонсарои «Сино»-ро падидаи нек дар равобити ду кишвар арзёбӣ карданд. Абдумаҷид Достиев доир ба ҳамкориҳои мутақобилан судманди Тоҷикистону Русия ибрози назар намуда, гуфт, ки мардумони ҳар ду кишвар дорои таърихи ҳамзистии қариб 70-сола доранд. Владимир Бодрягин -намояндаи ҳукумати маҳаллии Видноеи вилояти Маскав икдоми соҳибкори тоҷикро шоистаи дастгирӣ маънидод намуда, гуфт, ин меҳмонсаро ва тарабхонаи «Сино» метавонад дар Видное василаи беҳтарини муаррифии фарҳанги меҳмоннавозӣ ва дастархонороии тоҷикон гардад. Саттор Ҳалимов- сарвари меҳмонсарои тоҷикӣ дар вилояти Маскав мегӯяд, ба меҳмонсаро гузоштани номи «Сино» беасос нест. Зеро номҳои бузургони миллати тоҷик шуҳраи ҷаҳонӣ доштаву «корти муаррифии миллат» гардидаанд. Меҳмонсарои «Сино» дорои тарабхона буда, дар он сарошпази тоҷик Икромиддин Шарипов таомҳои гуногуни тоҷикиро омода намуда, пешкаши муштариён мегардонад. Бо оғози фаъолияти меҳмонсарои «Сино» иддае аз ҳамватанони мо ва бархе аз сокинони маҳаллии вилояти Маскав соҳиби ҷои кор мегарданд Аз Сафорати Тоҷикистон дар Русия ба АМИТ «Ховар» иттилоъ доданд, ки дар радифи ифтитоҳи меҳмонсаро, хамчунин китоби муассиси маҷмааи меҳмонсароҳои «Сино» дар Тоҷикистону вилояти Маскав Абдуқодир Ҷабборов таҳти унвони «Равзаи саодат» муаррифӣ гардид. «Равзаи саодат» дар нашриёти «Ношир»-и Хуҷанд чоп гардида, дар он асарҳои публисистӣ ва мақолаву мусоҳибаҳои муаллиф гирдоварӣ шудаанд. Маросими ифтитоҳи меҳмонсарои «Сино»-ро дастагули мусиқии ҳунармандони тоҷик шукуҳманд намуд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






