Ҷаласаи ҷамъбастии Кумитаи тадорукот таҳти раёсати Сарвазир

Душанбе, 14 август. (АМИТ «Ховар», Зарангез Латифова).-Имрўз таҳти раёсати Сарвазири Ҷумҳурии Тоҷикистон Оқил Оқилов ҷаласаи ҷамбастии Кумитаи тадорукоти Конфронси сатҳи баланд доир ба масоили ҳамкорӣ дар соҳаи об баргузор гардид. Дар ҷаласа нахуст оид ба масъалаҳои муҳими ҷараёни омодагиҳо ба ин чорабинии муҳими сатҳи байналмилалӣ ахбори аъзои кумитаи тадорукот шунида шуд. Тавре ки таъкид гардид, ҷараёни бақайдгирии иштирокчиёни ин конфронс дар марҳилаи анҷомёбӣ қарор дошта, то ба имрўз ширкати намояндагону коршиносони зиёда аз 67 давлати дунё ва беш аз 20 ташкилоту созмони минтақавию ҷаҳонӣ расман тасдиқ шудааст. Оқил Оқилов аъзои кумитаи тадорукот, роҳбарони вазорату идораҳои дахлдор ва дигар шахсони масъулро вазифадор кард, ки то рўзи баргузории конфронс мушкилоти мавҷударо бартараф карда, барои дар сатҳи баланди ташкилӣ гузаронидани ин чорабинии муҳими байналмилалӣ тадбирҳои зарурӣ андешанд.