Амали хайр дар моҳи Рамазон
Душанбе, 2 август.(АМИТ «Ховар», Марзия Саидова).-Дар шаҳри Кӯлоб барои 160 нафар ниёзманд ва коромӯзи марказҳои омӯзиши дӯзандагӣ маросими ифтори моҳи мубораки Рамазон ташкил карда шуд. Ифторро намояндагии дафтари Кумитаи байналмилалии имдоди имом Хумайнии Эрон дар Тоҷикистон дар ҳамоҳангӣ бо мақомоти иҷроияи ҳокимияти давлатии шаҳри Кӯлоб дар яке аз тарабхонаҳои бошукуҳи боғи Исмоили Сомонии шаҳр барпо намуд. Дар маросими ифтор мудири дафтари намояндагии Кумитаи имдод дар Тоҷикистон Саидмахдӣ Ибодӣ, роҳбари дастгоҳи ҳукумати шаҳри Кӯлоб Усмон Хушвақтов ва сархатибони масоҷиди Кӯлоб ширкат намуда, моҳи шарифи Рамазонро ба иштирокдорон табрик гуфтанд. Имомхатиби масҷиди ба номи Салмони Форс шаҳри Кӯлоб Абдурашид Одиназода дар назди ҳозирин роҷеъ ба фазилатҳои моҳи шарифи Рамазон суҳбат намуда, иқдоми намояндагии Кумитаи имдод ва шаҳрдории Кӯлобро ҳамчун амали хайр дар ин моҳи шариф арзёбӣ кард. Назар ба иттилои Абдуғаффори Солеҳ, масъули умури идорӣ ва равобити умумии Кумитаи имдод чунин маросимҳои ифтор дар моҳи мубораки Рамазон дар як силсила шаҳру ноҳияҳои дигари Тоҷикистон, ба мисли Хуҷанд, Ваҳдат ва Нуробод баргузор шуданд.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
