Амалиёти мақсадноки «Бачаҳо» дар ҷумҳурӣ

Душанбе, 29 август. (АМИТ «Ховар», Фарзона Ашӯрмадова).- Бо мақсади таъмини бехатарии ҳаракат дар роҳ, баланд бардоштани интизоми иштирокчиёни ҳаракат ва пешгирии садамаҳои роҳу нақлиётӣ бо иштироки кӯдакону наврасон дар қаламрави ҷумҳурӣ амалиёти мақсадноки «Бачаҳо» гузаронида мешавад.Дар ин бора аз Раёсати Бозрасии давлатии автомобилии Вазорати корҳои дохилии кишвар хабар доданд. Ба иттилои манбаъ амалиёти мазкур аз 31-уми август то 9-уми сентябри соли ҷорӣ гузаронида мешавад.Бинобар ин аз падарону модарон ва омӯзгорон эҳтиромона хоҳиш карда мешавад, ки кӯдакону наврасонро дар кӯчаву роҳҳои мошингард беназорат нагузоранд, ба онҳо талаботи қоидаҳои ҳаракат дар роҳро омӯзонанд.