Асосгузори Пажуҳишгоҳи гастроэнторология даргузашт
Душанбе, 26 август.(АМИТ «Ховар», Марзия Саидова).-Донишманди шинохтаи тоҷик Ҳамид Мансуров дирӯз дар синни 88- солагӣ бар асари беморӣ дар Душанбе аз олам даргузашт. Академик Ҳамид Мансуров соли 1925 таваллуд ёфта, мактаби миёна ва Донишгоҳи тиббиро дар шаҳри Самарқанд хатм намудааст. Солҳои 1947- 1950 аспиранти Академияи илмҳои тиббии Иттиҳоди Шӯравӣ будааст. Баъди ҳимояи рисолаи номзадӣ фаъолияти кориро дар Донишгоҳи тиббии ба номи Абӯали ибни Синои Душанбе шуруъ намуда ва дар соли 1958 рисолаи докторӣ ҳимоя мекунад. Соли 1961 барандаи ҷоизаи ба номи Ленин мешавад. Соли 1962 Институти гастроэнторологияро таъсис ва роҳбарии онро бар уҳда мегирад. Академики тоҷик дар чандин конфронсу ҳамоишҳои байналмилалӣ дар кишварҳои хориҷӣ назири Амрикову, Британияи Кабир, Маҷористон, Булғористон, Лаҳистон, Олмон, Русия ва дигар давлатҳо ширкат ва маърӯза намудааст. Донишманди шинохтаи тоҷик соли 1981 барои саҳми бузургаш дар рушди илми тиб барандаи ҷоизаи давлатии Тоҷикистон ба номи Сино мегардад. Соли 1976 узви вобаста ва соли 1978 академики Академияи илмҳои Ҷумҳурии Тоҷикистон интихоб мешавад. Осори илмии олими тавоно бо забонҳои гуногуни халқҳои дунё чоп шудааст. Академик Ҳамид Мансуров раиси ифтихории Пажуҳишгоҳи гастроэнторологии Академияи илмҳои Ҷумҳурии Тоҷикистон буда, дар тӯли умри пурбаракати худ дар дар рушди илми тибби Тоҷикистон саҳми шоиста гузошта, аз худ 700 кори илмӣ ва 12 китоб ба ёдгор мондааст. Интизор меравад, ки имрӯз дар бинои Пажуҳишгоҳи гастроэнторологияи Академияи илмҳои ҷумҳурӣ маросими видоъ бо академик Ҳамид Мансуров баргузор хоҳад шуд ва ҷасади олими тавонои тоҷик дар оромгоҳи Лучоб ба хок супорида мешавад.
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
