Баргузории дави умумиҷаҳонии «Машъал-2013» дар Тоҷикистон

Душанбе, 16 август. (АМИТ Ховар, Фарзона Ашӯрмадова).- Аз 5-ум то 8-уми сентябр дар ҳудуди Тоҷикистон дави умумиҷаҳонии «Машъал-2013» баргузор мешавад.Дар ин мусобиқаи ҷаҳонӣ дар назар аст 40 нафар варзишгар аз кишварҳои Осиё ва дигар давлатҳои хориҷӣ иштирок намоянд.Кушоиши расмии эстафетаи машъалии «Дави умумиҷаҳонӣ-2013» дар майдони Дӯстии шаҳри Душанбе баргузор мешавад. Варзишгарон ба самти Душанбе-Варзоб, Такоб-Айнӣ, Айнӣ-Шаҳристон, Шаҳристон-Истаравшан, Истаравшан-Хуҷанд ҳаракат карда, ниҳоят дар ноҳияи Спитамени вилояти Суғд маросими мазкур ҷамъбаст мешавад ва варзишгарон аз тариқи сарҳади Тоҷикистон ба сарҳади Қирғизистон мегузаранд. Дави мазкур муддати 4 рӯз дар Тоҷикистон идома меёбад. Дар назар аст дави мазкур 24-уми сентябр дар шаҳри Урумчии Ҷумҳурии мардумии Чин ҷамъбаст гардад.