Хатми курси бозомӯзӣ аз ҷониби занон

Шӯрообод, 6 август. (АМИТ «Ховар», Фарҳод Мадаминов).-Фароҳам овардани ҷойҳои нави корӣ ва ба кор ҷалб намудани аҳолӣ омили асосии баланд бардоштани сатҳи зиндагӣ ба ҳисоб меравад. Аз ин рӯ дар ноҳияи Шӯрообод 5 ярмаркаи ҷойҳои корӣ гузаронида шуда, 224 нафар корҷӯй, аз ҷумла, 85 нафар зан бо ҷойи кори доимӣ таъмин гардид. Дар ин робита 2358 шаҳрванд ба курсҳои гуногуни касбомӯзӣ фаро гирифта шуд, ки аз онҳо 125 нафараш зан буда, курсҳоро бо муваффақият хатм намуданд. Ҷойҳои нави корӣ дар ноҳия ба 1113 адад расида, ин боиси паст шудани сатҳи бекорӣ дар ноҳия гардидааст.