Мулоқоти Сафири Тоҷикистон бо Вазири корҳои хориҷии Қатар
Душанбе, 23 август. (АМИТ «Ховар»). – Чанде пеш мулоқоти Сафири Ҷумҳурии Тоҷикистон дар Давлати Катар Ардашер Қодирӣ ва Раиси Шӯрои вазирон, Вазири корҳои хориҷии Қатар шайх Абдулло ибни Носир Оли Сонӣ баргузор гардид. Сафири Тоҷикистон дар ҷараёни мулоқот табрикномаи Сарвазири Ҷумҳурии Тоҷикистон Оқил Оқилов унвонии Сарвазири Қатар ба ифтихори ба ин мансаб таъин шуданаш супурд. Шайх Абдулло ибни Носир номаи табрикотиро бо камоли миннатдорӣ қабул карда, аҳамияти фароҳам овардани шароити мусоид барои рушди муносибатҳои байни Тоҷикистону Қатарро қайд намуд. Ҷонибҳо ҳамчунин масоили ҳамкорӣ дар бахши маориф, аз ҷумла масъалаи барои таҳсили ҷавонони тоҷик ҷудо кардани квотаҳо ва имконияти кушодани роҳи ҳавоии байни пойтахтҳои ҳар ду кишварро мавриди муҳокима қарор доданд.Шайх Абдулло ибни Носир зикр намуд, ки Давлати Қатар ҳамкорҶумҳурии Тоҷикистонро ба дараҷаи баланд арзёбӣ намуда, барои густариши минбаъдаи ҳамкории ҳар ду кишвар саъю кӯшиш хоҳад кард. Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






