Садои ғул-ғулаи берунаи воситаи нақлиёт меъёри худро дорад!
Душанбе, 5 август. (АМИТ «Ховар»).- Бо мақсади пешгирӣ ва манъи ҳолатҳои истифодаи cадои баланди ғул-ғуладори қисми садопасткунандаи воситаи нақлиёт, махсусан аз тарафи ҷавонон дар кӯчаю роҳҳои автомобилгарди шаҳри Душанбе, ки аз меъёр зиёд истифода мебаранд ва боиси норозигии шаҳрвандон ва халалдор гаштани оромӣ мегардад, аз ҷониби Раёсати БДА ВКД Ҷумҳурии Тоҷикистон дар ин самт чорабиниҳо идома доранд. Тавре ки сомонаи расмии ВКД хабар медиҳад, дараҷаи меъёри ғул-ғулаи садопаскунандаи воситаи нақлиёт ба воситаи асбоби «РОБОТРОН-00024» истеҳсоли Олмон муайян карда мешавад.Тибқи талаботи стандарти амалкунандаи ГОСТ Р-52231-2004 «Садои ғул-ғулаи берунаи воситаи нақлиёте, ки дар истифода қарор дорад, сатҳи андозаи меъёр ва усули ченкунӣ», сатҳи меъёри ғул-ғула барои:- воситаҳои нақлиёти сабукрави гуруҳи М1 ва мусофирбар-боркаш ва боркаши гуруҳи N1- 96 дБА;- автобусҳои гуруҳи М2 ва воситаҳои нақлиёти боркаши гуруҳи N2 98 дБА;- автобусҳои гурӯҳи М3 ва воситаҳои нақлиёти боркаши гурӯҳи N3 — 100 дБА, муқаррар карда шудааст.Мавриди зикр аст, ки ҳангоми гузаронидани чорабиниҳо ва назорати ҳамарӯза дар посгоҳҳо ва хатҳои сайр аз тарафи ҳайати шахсии БДА зиёда аз 40 далели истифодаи воситаи нақлиёт бо садои ғул-ғуладори аз меъёр зиёд ошкор гардида, нисбат ба ронандагони онҳо тибқи қисми 2 моддаи 333 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода, ҷазои маъмурӣ татбиқ шудааст.Дар айни замон, чорабиниҳо дар ин самт идома дошта, ронандаҳое, ки бо садои баланди ғул-ғуладор воситаи нақлиётро истифода мебаранд, боздошт гардида, тибқи қонунҳои амалкунанда нисбат ба онҳо чораҷӯӣ мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






