Вохӯрии Ҳ. Зарифӣ бо И. Бокова
Душанбе, 21 август (АМИТ «Ховар»).- 20 августи соли 2013 вазири корҳои хориҷии Ҷумҳурии Тоҷикистон Ҳамрохон Зарифӣ бо роҳбарони ҳайатҳо, ки барои иштирок дар Конфронси байналмилалии сатҳи баланд оид ба ҳамкорӣ дар соҳаи об ба Тоҷикистон омадаанд, як силсила вохӯриҳои дуҷониба анҷом дод. Аз ҷумла, вохӯрии вазир бо дабири кулли ЮНЕСКО Ирина Бокова, ки аввалин бор бо сафари корӣ ба Тоҷикистон омадааст, ба вуқуъ пайваст. Дабири кулли ЮНЕСКО ба аҳамияти баргузории конфронси мазкур, инчунин ташаббусҳо ва кӯшишҳои Ҷумҳурии Тоҷикистон дар арсаи байналмилалӣ доир ба масъалаҳои об баҳои баланд дод. Ирина Бокова ҷониби Тоҷикистонро бо ворид шудани Боғи миллии “Куҳҳои Помир” ба Феҳрасти мероси умумиҷаҳонии ЮНЕСКО табрик намуда, аҳамияти онро барои нигоҳ доштани захираҳои нодири табиат, баъзе ҳайвонот ва набототи маҳвшаванда, минтақаҳои муҳитзистӣ, пайкараҳои таърихӣ ва фарҳангии Тоҷикистон таъкид кард. Ҷонибҳо инчунин масъалаи тавсеаи ҳамкориҳоро дар соҳаҳои илм ва маориф муҳокима намуданд. Зимни сафари худ дабири кулли ЮНЕСКО аз вилояти мухтори Куҳистони Бадахшон ва обанбори Норак дидан намуда, дар маросими ифтитоҳи гӯшаи ЮНЕСКО дар Китобхонаи миллӣ иштирок мекунад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
