Ҷаласаи Шӯрои Иттиҳоди байнибонкии СҲШ дар Иссиқкӯл
Душанбе, 13 сентябр (АМИТ «Ховар»).- 12 сентябр дар вилояти Иссиқкӯли Ҷумҳурии Қирғизистон ҷаласаи навбатии Шӯрои Иттиҳоди байнибонкии Созмони Ҳамкории Шанхай баргузор гардид. Дар ҷаласаи мазкур раиси Бонки давлатии амонатгузории Ҷумҳурии Тоҷикистон «Амонатбонк» Гулнора Ҳасанова, сардори Идораи муносибатҳои байналхалқӣ Икром Раҳимов ва сарҳуқуқшиноси Хадамоти ҳуқуқи «Амонатбонк» Одилҷон Насибов иштирок намуданд. Ҷаласа аз рӯи барнома ва рӯзномаи ҷаласа, ки қаблан бо бонкҳои аъзои Иттиҳоди байнибонкии Созмони Ҳамкории Шанхай мувофиқа шуда буд, гузаронида шуд. Дар ҷаласа масъалаҳо оид ба фаъолияти солонаи Иттиҳоди байнибонкии Созмони Ҳамкории Шанхай, ҳамкорӣ бо институтҳои молиявии давлатҳое, ки дар назди Созмони Ҳамкории Шанхай мавқеъ доранд, рушди ҳамкорӣ бо Шӯрои ҳамкории Созмони Ҳамкории Шанхай, татбиқи лоиҳаҳои инвеститсионӣ дар доираи Иттиҳоди байнибонкии Созмони Ҳамкории Шанхай, ҳамкорӣ дар соҳаи табодули таҷриба ва тайёр намудани кадрҳо, инчунин интихоб намудани раиси навбатии Шӯрои Иттиҳоди байнибонкии Созмони Ҳамкории Шанхай барои солҳои 2013-2014 ва дигар масъалаҳои фаъолият баррасӣ гардиданд. Дар интиҳои ҷаласа аз ҷониби Шӯро «Низомнома дар бораи тартиби фаъолияти Гуруҳи кории Иттиҳоди байнибонкии Созмони Ҳамкории Шанхай оид ба баррасии лоиҳаҳои инвеститсионӣ ва механизми кафолат ва суғуртаи инвеститсияҳо» ва «Протокол оид ба ворид намудани тағйирот ба «Низомнома дар бораи ҳамкорӣ бо институтҳои молиявии давлатҳое, ки дар назди Созмони Ҳамкории Шанхай мақом доранд ва мақоми бонки ҳамкори Иттиҳоди байнибонкии Созмони Ҳамкории Шанхайро доранд» ба имзо расид.
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
