ҶСК «Тоҷиксемент» сӯзишвории ангиштиро истифода менамояд

Душанбе, 11 сентябр. (АМИТ «Ховар», Кристина Эрлих). – Дар ҷараёни мулоқоти Вазири энергетика ва саноати Ҷумҳурии Тоҷикистон Гул Шералӣ бо директори генералии ширкати Beijeng Jichuang Diansheng (Бейҷинг Ҷичуан Дианшенг) – и Ҷумҳурии Мардумии Чин Ҷенг Ҷуан Шенг масъалаи ҳар чи зудтар сӯзишвории ангиштиро истифода бурдани корхонаи калони сементи ҶCК «Тоҷиксемент» мавриди муҳокима қарор гирифт. Дар ин бора аз Вазорати Энергетика ва саноати ҶТ ба мухбири АМИТ «Ховар» хабар доданд.  Мувофиқи суханони манбаъ, Гул Шералӣ изҳори умедворӣ намуд, ки ширкати Бейҷинг Ҷичуан Дианшенг барои сӯзишвории ангиштиро истифода намудани корхонаи сементи Тоҷикистон кӯмак хоҳад кард. Дар робита бо ин, ҷониби Тоҷикистон хоҳиш намуд, ки кор дар ин самт тезонида шавад.