Барномаи таҷрибавӣ анҷом ёфт

Душанбе, 23 сентябр. (АМИТ «Ховар»). – Чанде пеш дар шаҳри Хуҷанд барномаи шашрӯзаи «Баланд бардоштани мақоми занон» барои занон — кормандони мақомоти ҳифзи ҳуқуқ анҷом ёфт. Ин чорабинӣ бо ибтикори шӯъбаи назорати маводи нашъаовар ва ҳифзи қонуни Сафорати ИМА дар ҶТ ва зимни ҳамкории зич бо Вазорати корҳои дохилии Тоҷикистон роҳандозӣ шуд. Тавре аз Сафорати ИМА дар Тоҷикистон хабюар доданд, мақсад аз барномаи мазкур такмили ихтисоси милисазанон дар мубориза бо хушунат дар оила, худкушии занон, зӯроварии байни ҷавонон мебошад. Ҳангоми таҳсил милисазанон 20 мавзӯъ, аз ҷумла мавзӯъҳои рондани дучархаҳои махсуси бахши милиса, таҳлили рафтору интизом ва ғайраро омӯхтанд.