«Боварӣ ва ҳамкорӣ»-дастраскунандаи қарзҳои хурд дар ҷумҳурӣ

Душанбе, 26 сентябр. (АМИТ «Ховар», Руқияи Боймамад). — 25 сентябри соли равон вохӯрии навбатии кории масъулини ҶСП Ташкилоти амонатӣ-қарзии хурди «Боварӣ ва ҳамкорӣ» бо роҳбарони ташкилотҳои хурди маблағгузоре, ки шарикони «Боварӣ ва ҳамкорӣ» маҳсуб меёбанд, доир гардид. Гуфтан бамаврид аст, ки «Боварӣ ва ҳамкорӣ» ягона институти миллии бозтамвили ташкилотҳои маблағгузории хурди ватанӣ дар ҷумҳурӣ маҳсуб ёфта, аз баракати фаъолияти самараноки он дастрасии аҳолии мамлакат ба қарзҳои хурд бемайлон рушд меёбад. Дар давоми фаъолияти худ «Боварӣ ва ҳамкорӣ» бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Кумитаи давлатии сармоягузорӣ ва идораи амволи Ҷумҳурии Тоҷикистон, ҶСК «Агроинвестбонк», ҶСК «Ориёнбонк», «Аввалин бонки молиявии хурд», «Аксесбонк» ва теъдоди зиёди ташкилотҳои байналмилалӣ: GIZ, ICCO (Нолланд), DFID , UNDP, Trimple Jump, МФК, CGAP, ЮСАИД ҳамкориҳои барои тарафайн судмандро роҳандозӣ намудааст. Дар вохӯрӣ ширкатхои хусусӣ, ВАО ва як зумра меҳмонон ширкат доштанд.